Самы стары ўладальнік Карты паляка ў Беларусі жыве ў Налібаках

Група дыпляматаў з польскага пасольства ў Мінску наведалі ў Налібаках самага старога ўладальніка Карты Паляка ў Беларусі.

Дэлегацыю ўзначаліў часовы павераны ў справах Польшчы ў Беларусі Міхал Хабрас. Падчас сустрэчы дыпламат падзякаваў Яну Чарняцу за адданасць польскасьці ў савецкія часы, за захаванне польскай мовы, а таксама за выхаванне трох дачок у польскім духу.

Ян Чарнец з гасцьмі.

У сустрэчы, апрача прадстаўнікоў польскага пасольства, узялі ўдзел мясцовы пробашч Мар’ян Шэршань і старшыня сельсавета Аляксандр Пілінкевіч.

Ян Чарнец не хаваў усхавалявання. Нягледзячы на свой узрост, ён падзяліўся ўспамінамі пра сваё доўгае жыццё, а таксама прыгадаў польскія песні і вершы.

Міхал Хабрас дзякуе Яну Чарняцу.

Яну Чарняцу 102 гады. 50 гадоў ён жыве ў Налібаках, дзе працаваў будаўніком і краўцом. Раней ён жыў у вёсцы Русакі, каля Рубяжэвіч, дзе скончыў чатыры класы пачатковай польскай школы, быў пастухом і быў вучнем мясцовага краўца.

Кс. Мар'ян Шэрнань і Ян Чарнец.

Два гады таму Ян Чарнец даў вялікае інтэрв'ю Блогу Налібацкага края.

Чытайце тут: 100-гадовы налібачанін: Не дай Бог вам бачыць тое, што я перажыў

minsk.msz.gov.pl/дг